Venti Ventidós: estilu nuevu n’asturianu

Siguimos trabayando na traducción de WordPress al asturianu, pero yá ta disponible l’estilu Venti Ventidós n’asturianu, l’estilu de WordPress pa 2022.

Fechu partiendo d’una base de diseñu sólido, Venti Ventidós garra la idea de que toos merecemos una web única. Los diseños sutiles del estilu inspiraos na diversidá y capacidá d’adautación de los páxaros: la fonte ye llixera, al tiempu que fuerte, la paleta de colores basada na naturaleza y los elementos de diseñu afítense suavemente na páxina. La riqueza verdadera de Venti Ventidós ta nes posibilidaes de personalización. L’estilu diseñóse p’aprovechar les carauterístiques d’edición completes en tol sitiu introducíes con WordPress 5.9, quier dicir que los colores, les fontes y l’esquema de cualesquier páxina simple del sitiu pueden personalizase acordies a la to visión. Inclui tamién docenes de patrones de bloques, abriendo la puerta a una bayura de diseños profesionales calcando unes poques veces col mur. Si tas faciendo sitiu d’una sola páxina, un blogue, el sitiu d’un negociu o una tarxeta de presentación, Venti Ventidós ayudárate cola xera de facer un sitiu únicamente tuyu.